ОСОЛД ХОЛБОГДСОН Ч.МАРАЛМАА, Г .БАТСҮХ НАР ХЭН БАЙВ

2022-10-19  

Осол үйлдсэн хэмээх Ч.Маралмаа 1993 онд Дархан-Уул аймагт төрсөн. Нэгэн хувийн эмнэлэгт шүдний эмчээр ажиллаж байгаа. Ял шийтгэлгүй. Нэг удаа цагдаагийн байгууллагад хуурамч дуудлага өгсөн гэдгээр шалгагдаж торгуульж байсан. Жолооны үнэмлэхгүй бөгөөд жолооч биш аж. Тэгвэл түүний ажилладаг гэх Сан медикал центр хэмээх эмнэлэг нь Хан-Уул дүүрэг VIII хорооны нутаг дэвсгэрт орших Оргил худалдааны төв Enkanto-д байрладаг. Тус эмнэлэг рүү холбогдож эмч Ч.Маралмаагийн талаар тодруулахад маркетингийн ажилтан “Манай эмнэлгээс аль дөрвөн сарын өмнө гарчихсан. Бид мэдэхгүй” гэх хариултыг өгсөн юм. ЦЕГ-ын мэдээллээр иргэн Ч.Маралмаа нь цагдаагийнхан болон цэргийнхний гэр бүлтэй хамааралтай бус ажээ. Тухайн иргэний талаар шүдний эмч гэх боловч мэргэжлийн шалгалтдаа тэнцээгүй, эмчлэх эрхийн зөвшөөрөлгүй байж эмч хийж байсан гэх мэдээлэл ч байна.

Харин түүнтэй нэр холбогдоод буй Гончигийн Батсүх нь 36 настай. Согтуугаар удаа дараа жолоо барьж, жолоочийн эрхээ хасуулсан. Таван толгой, Хөгжлийн банкинд ажиллаж байсан, гурван хүүхэдтэй, гэр бүлтэй залуу гэх. Г.Батсүх нь 2017-2018 онд Хөгжлийн банкны Хөрөнгө оруулалт, бодлого зохицуулалтын хэлтсийн захирлаар ажиллаж байсан. мөн “Эрдэнэс Mаван толгой” ХК, “Монгол шуудан банк”, Үндэсний аудитын газарт ажиллаж байжээ. Тэрбээр өдгөө хүнсний худалдаа, барьцаалдан зээлдүүлэх, аялал жуулчлалын чиглэлээр үйл ажиллагаа явуулдаг “Номт Би Би Эйч” ХХК-ийн захирлаар ажилладаг. Баянзүрх дүүргийн 26 дугаар хороонд оршин суудаг ажээ.

Тэгвэл 7220 УБХ дугаартай машин хэнийх вэ?

Энэ талаар иргэн Ц.Мөнхбаатар цахим хуудсандаа нийтлэхдээ “Хүүхэд дайрсан цагаан Ланд-200-гийн эзэмшигч 31 удаагийн үйлдлээр 905 мянган төгрөгийн зөрчил гаргасан ч торгуулиа төлдөггүй,хурд хэтрүүлэх, эгнээ байр буруу эзлэх зөрчлийг байнга шахуу гаргадаг “хүнд гар” байна” хэмээн бичжээ. Харин уг машины мэдээллийг өчигдөр torguu­li.mn-ээс шүүж үзэхэд бүх торгуулиа төлсөн. Хамгийн сүүлд 70000 төгрөгийг аравдугаар сарын 7-ны өдөр төлсөн тухай мэдээлэл гарч ирсэн юм. 7220 УБХ дугаартай машины жинхэнэ эзэмшигч нь Чингэлтэй дүүргийн XII хороо, Дэнжийн 1000 захын махны худалдаа, авто засварын газрын чиглэлээр үйл ажиллагаа явуулдаг “Номт Монгол” ХХК-ийн захирал Г.Хадхүүгийн эзэмшлийнх ажээ.

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
Н.УЧРАЛ ГИШҮҮНИЙ ӨРГӨН БАРЬСАН ХУУЛИЙГ ТА ДЭМЖИЖ БАЙНА УУ?