Сүүлийн үед сошиал ертөнцөд тараад байгаа дээрх бичлэг нилээд шуугиан тарьж байна. Учир нь бэлэн гоймон Монголчуудын дунд өдөр тутмын хоол хүнсний нэгд тооцогдох хэмжээнд хүртлээ хэрэглээ нь нэмэгдэж байгаагаас үүдэлтэй юм. Ялангуяа өсвөр насныхан болон залуучуудын дунд бэлэн гоймонгийн хэрэглээ өндөр байгаа. Тийм учраас бэлэн гоймон нь эрүүл мэндэд хортой гэдгийг олон нийтэд ойлгуулах үүднээс дээрх бичлэг хийгдсэн гэж үзэх хэсэг байна. Харин нөгөө талдаа энэхүү бичлэг дээр бэлэн гоймонгийн нэрийг нууцалсан байгаагаас үзэхэд худлаа байх магадлалтай, хэн нэгний зохиомол хэрэг байж болзошгүй ч гэж хардах хүмүүс олон байна. Одоогоор дээрх асуудлаар албаныхан тайлбар хийгээгүй байгаа ч хэрвээ бичлэг үнэн бодитой бол хортой бодис агуулагдаж байгаа бэлэн гоймонгийн амтлагч хүнсний аюулгүй байдалд заналхийлэх нь.
А.ИЧИНХОРЛОО
