Суралцах болон өөрийгөө хөгжүүлэх оргилуун их хүсэл тэмүүлэлтэй, өөрийн мэргэжил, сонирхлын чиглэлээрээ нийгэмд манлайлан ажиллах ирээдүйтэй оюутнуудыг дэмжих, сурах их үйл хэрэгт нь туслалцаа үзүүлэх зорилгоор оюутны тэтгэлэгт хөтөлбөр зарлагджээ. Хөтөлбөр нь судлаач оюутнуудыг дэмжих, манлайлагч оюутнуудыг дэмжих, орон нутгийн оюутнуудыг дэмжих гэсэн гурван хэсгээс бүрдэж аж.
Шалгаруулалтыг Эсээ бичлэг, бүрдүүлсэн материалыг үндэслэн Хэнтий Аймгийн Оюутан Залуучуудын Холбоо, УИХ-н гишүүн Д.Гантулгын ажлын алба, “Гантулгуудын клуб”-ийн гишүүдээс бүрдсэн ХАРААТ БУС комисс шалгаруулж 10 хүртэлх оюутанд тэтгэлэг олгохоор шийдвэрлэсэн байна.
Тэтгэлгийн материалыг монгол хэл дээр бүрэн гүйцэд бүрдүүлэн 2016 оны 11 дүгээр сарын 15-ны 17 цагаас өмнө Улаанбаатар хот, Сүхбаатар дүүрэг, 8-р хороо, Бээжингийн гудамж, Жи Би плаза, 304 тоотод хүлээж авна хэмээн Хэнтий Аймгийн Оюутан Залуучуудын Холбооны нарийн бичгийн дарга Б.Энх-Эрдэнэ хэллээ
Дараах холбоосоор орж дэлгэрэнгүй мэдээлэл авна уу
http://gantulga.parliament.mn/news/times/categories/3641/pages/30890
Х.ТЭМҮҮЖИННАМСРАЙ
