Оюутнууд сургалтын төлбөрөө зээлээр авах боломж бүрдсэн талаар бид өмнө нь мэдээлж байсан. Тэгвэл албаныхны мэдээллээр өнөөдрөөс эхэлж хоёр арилжааны банкаар дамжуулан олгохоор болжээ. Энэ хичээлийн жилд сургалтын төлбөрөө төлөх боломжгүй 74 мянган оюутан байгаа юм. Мөн хоёр болон түүнээс дээш хүүхэд нь зэрэг суралцаж буй өрхийн нэг хүүхдэд олгох сургалтын төлбөрийн буцалтгүй тусламжийг 1,500 орчим оюутанд олгох тооцоо гаргажээ. Дашрамд дуулгахад оюутны сургалтын төлбөрийн зээлд хамрагдсан оюутнууд үндэсний тэтгэлэг болох 70000 төгрөгийг авах боломжгүй юм байна.
А.ГАНТУЯА