Их хэмжээний хур тунадас орсны улмаас Дархан-Уул-Улаанбаатар, Дархан-Уул-Орхон, Дархан-Уул-Сэлэнгэ чиглэлийн автозамын хөдөлгөөнийг өнөөдөр /2017/10/09/-ний өглөө 09.00 цагт нээлээ.
Дээрх чиглэлийн замд халтиргаа, гулгаа үүсч, даваа хаагдсан байсан бөгөөд Онцгой байдлын ерөнхий газар, төв, орон нутгийн Онцгой байдлын анги байгууллагын албан хаагчид, орон нутгийн цагдаагийн болон зам арчлалтын компанийн албан хаагчид, сайн дурын иргэд хамтран цасанд боогдоод байсан зам, давааг нээх ажлыг шуурхай зохион байгуулан ажиллалаа.
Эхний ээлжинд хот хооронд зорчиж буй суудлын тэргийг нэвтрүүлэх бөгөөд 10.00 цагаас эхлэн нийтийн тээврийн буюу том оврын автобусыг хөдөлгөөнд оролцуулах аж.
Ц.БАТТУЯА
