Агаарын чанарын индекс 0-50 үзүүлэлт зааж байвал цэвэр гэж үздэг. Харин 51-100-г чанарын үзүүлэлт хэвийн, 401-ээс дээш зааж байвал их бохирдолтой буюу удаан хугацаагаар гадаа байхад нийт хүн амын эрүүл мэндэд мэдэгдэхүйц сөрөг нөлөө үзүүлнэ гэж үздэг юм.
Гэвч өнөөдрийн байдлаар Улаанбаатар хотын ихэнх газрууд хэвийн хэмжээнээс хэдэн арав дахин их бохирдлыг зааж байна.
Тухайлбал, Нисэх орчимд агаарын чанарын индекс 417 байгаа бол Толгойтод 1222 буюу хэвийн хэмжээнээс 12 дахин их бохирдолтой байна.
Мөн МҮОНРТ орчимд 810, Амгалан орчимд 648 гэсэн үзүүлэлт зааж байна.
Өнөөдрийн хамгийн их бохирдолтой орчин бол 100 айл 1015, Баянхошуу орчимд 1719 гэсэн үзүүлэлт зааж байна. Энэ бол хүний эрүүл мэндэд шууд нөлөө үзүүлэхүйц бохирдол бөгөөд агаарын бохидлоос үүссэн хүнд металл, химийн хортой элементүүд хүний амьсгалын замаар дамжин цусанд нэвчиж төрөл бүрийн өвчин үүсгэх аюултай юм.
Иймд иргэд хөдөлмөрчид агаарын бохирдлоос өөрсдийгөө хамгаалж амны хаалт зүүх, хордлого тайлах сүү, цагаан идээ хэрэглэх зэрэг арга хэмжээ авахыг зөвлөж байна.
С.ШҮРЭНЧИМЭГ