Хүн төрөлхтний бүтээсэн оюуны гайхамшигт өв болох сонгодог хөгжмийг Монголчууддаа таниулах, сонгодог хөгжмийн гайхамшгийг өнөөгийн залууст мэдрүүлэх, сурталчлах зорилгоор Улсын Филармонийн Симфони найрал хөгжимчид “Л.Бетховен симфони VIII” хөгжмийн концертыг энэ өдөр тоглоно. Уг симфонийг Монголын урлагийн тайзнаа анх удаа тоглож буй бөгөөд тоглолтод Улсын филармонийн симфони найрал хөгжим, хөтлөгч, тайлбарлагчаар урлаг судлаач Х.Ариунаа оролцох ажээ. Тоглолт 19.00 цагт Улсын Филармонийн концертын танхимд болно.
А.САЯН
