Улсын дуурь, бүжгийн эрдмийн театрын гоцлол бүжигчин Соёлын тэргүүний ажилтан О.Ганцоож, О.Анужин, залуу бүжигчин О.Хатанбаатар нар Сөүл хотноо болсон олон улсын балетын наадам амжилттай оролцжээ. Жил бүр зохион байгуулдаг энэхүү наадамд Хелсинк, Москва, Берлин, Нью-Йорк, Шанхай, Варна, Токио, Улаанбаатар, Истанбул, Сөүлийн театрын шилдэг бүжигчид оролцдог томоохон тэмцээн юм. Наадмын гала тоглолтод шилдэг 20 оролцогч оролцож, манай улсын бүжигчин О.Ганцоож, О.Анужин нар хүрэл медалийн эзэн болсон бол залуу бүжигчин О.Хатанбаатар дипломын шагнал хүртсэн байна.
А.САЯН