Шороон нохой жилд нийт бар жилтнүүд түнсүм засалтай учир Жадамба, Жанаггагдог, Гурван гүрэм айлдуул. Бар жилтэй эрэгтэйчүүдийн олзны үүд нээгдэж, санасан бүхэн сэтгэлчлэн бүтэж, үйлдсэн буян бүхэн дэлгэрч өлзийтэй сайн байна. Алтангэрэл хөлгөн судар гэртээ залж, Алтангэрэлийн даллага авахуул.
1926 оны гал бар жилтэн
Амины найлзуур модон дэлгэрч амь нас батжин биед өвчин үгүй амгалан байна. Бусдад хорон муу үг бүү хэл.
1938 оны шороон бар жилтэн
Архи тэргүүтэн ариун бус идээнээс болгоомжил. Эрхэлж сэдсэн ажилд саад үгүй ч ад зэтгэрийн хорлолд өртөх нигууртай тул нутаг орныхоо лус савдагыг баясгах үйл хий.
1950 оны төмөр бар жилтэн
Орлого хомсдон эд малын гарз гарах магадлалтай. Архи тэргүүтэн ариун бус идээнээс татгалз.
1962 оны усан бар жилтэн
Биед өвчин үгүй, ажил үйлд саад үгүй. Хэрүүл маргаан бүү хий.
1974 оны модон бар жилтэн
Эд агуурс мал сүргийн гарзгүй. Санасан ажил үйлд саадтай тул архи тэргүүтэн ариун бус идээнээс болгоомжил.
1986 оны гал бар жилтэн
Элдэв түйтгэр тохиовч гэм болохгүй. Биед өвчин үгүй амгалан. Архи тэргүүтнээс татгалзаж, эцэг эхийг ачлан хүүхэд ядууст өглөг өг.
1998 оны шороон бар жилтэн
Эрхтэний цогийн хүрээнд өлзий хутаг тогтож, биед өвчин зовлон үгүй байна. Хутга мэсний аюул хэл амнаас болгоомжил.
2010 оны төмөр бар жилтэн
Биеийн тамир доройтон өвчин тусаж болзошгүй тул ариун бус идээнээс татгалз. Үнэтэй чамин хувцсанд шунахыг цээрлэ.