Ж.Мөнхбатыг Болор цомын эзэн гэдгээр нь утга зохиолын ертөнц мэднэ. МАН-ын ерөнхий нарийн бичгийн дарга гэдгээр нь улс төрийн хүрээ мэдэх болсон. Сонгууль сонгуулийн өмнө тэрбээр УСК бүтээдэг уламжлал тогтоолоо. 2012 оны УИХ-ын сонгуулийн өмнө "Долоон бурхан харвадаггүй" түүхэн уран сайхны кино бүтээсэн бол 2016 оны УИХ-ын сонгуулийн босгон дээр "Бүү март" түүхэн уран сайхны киноны нээлтээ хийлээ.
"Бүү март" УСК-гоо 1990 оны үед өрнөсөн нийгмийн шилжилт, ардчилсан хөдөлгөөнийг социалист системийн "сүүлчийн удирдагч" болох Ж.Батмөнхийн туулсан амьдрал, гаргасан шийдвэр, бодит амьдрал дээр тулгуурлан бүтээсэн болохоо уран бүтээлчид нь нээлтийн үеэр хэлэв. Киноны гол дүр Ж.Батмөнхийн дүрийг жүжигчин Н.Төмөрбат, Ю.Цэдэнбалын дүрийг жүжигчин Ц.Төмөрбаатар, Зоригийн дүрийг жүжигчин Х.Түвшин, Батмөнхийн гэргий Дариймаагийн дүрийг жүжигчин Б.Тунгалаг бүтээсэн байна. 1990 оны ардчилсан хөдөлгөөний үеэр нэг ч буун дуу гаргалгүй, тайван замаар ардчилсан нийгэмд шилжиж чадсан. Хувьсгалыг тайван замаар хийхэд гол үүрэг гүйцэтгэсэн төр нийгмийн нэрт зүтгэлтэн Ж.Батмөнх "Өнөөдрийнх шиг ийм ардчиллыг авчрах гэсэндээ амь биеэ үл хайрлан тэмцээгүй гэдгээ хэлж, халаглан сууна. Энэ бол "Бүү Март" УСК-ны өрнөл хэсэг".
Энэ бол энэхүү киноны гол үзэл санаа гэж ойлгож болно.
.jpg)
Э.ЦЭНД
