АСЕМ-ийн уулзалтын бэлтгэл ажлаар нийслэлийн гэрлийн шонгуудыг угааж, будаж байна. Угаах шонгуудын тоонд 1008 буюу хотын төвийн зам дагуух шонгууд оржээ. Нийтийн үйлчилгээний Улаанбаатар нэгтгэл, МУИС-ийн 90 оюутантай хамтран Чингисийн өргөн чөлөөнд 280, Яармагийн гүүр 20, Наадамчдын гудамж 220, Нисэхийн гудамж, 111, Зайсангийн гудамж 165, Нийслэл хүрээ баруун хэсэгт 36, Олимпийн гудамж 66, Баруун 4 замаас Саппорогийн уулзвар хүртэл 170, Энхтайваны өргөн чөлөө, Их тойруу зэрэг газруудад нийт 1008 гэрэлтүүлгийн шонг угааж эхлээд байгаа юм. Одоогоор угааж цэвэрлэсэн 435 гэрэлтүүлгийн шонг Нийслэлийн ерөнхий төлөвлөгөөний газраас баталсан кодын дагуу саарал өнгөөр будаад байна. Иргэд, аж ахуйн нэгж байгууллагууд угааж цэвэрлэн, будсан шонд дахин зар наахгүй байхыг нийтлэг үйлчилгээний “Улаанбаатар нэгтгэл”-ээс анхаарууллаа.
Х.АЯЛГУУ
