Дэлхийн 191 улсад короновирусийн халдвар бүртгэгдээд байна. Иймд анхаарал сэрэмжээ сулруулахгүй байж, хоёроос дээш хүний бөөгнөрөл үүсгэхгүй байхыг ДЭМБ аас анхаарууллаа. ХӨСҮТ-ийн ерөнхий захирал Д.Нямхүү ЭМЯ-ний ээлжит хэвлэлийн хуралд оролцож, шинжилгээний хариу болон COVID-19 халдвар авсан иргэдийн биеийн байдлын талаар "Франц иргэний биеийн байдал сайжирч, эдгэрч байна. Тус иргэнийг дахин 10 хоног тусгаарлан ажиглана." хэмээн мэдээлсэн юм: "Истанбул-Улаанбаатарын" онгоцоор ирсэн 24 хүний шинжилгээнээс коронавирус илрээгүйг мэдлээлж байсан. Уг онгоцоор ирээд Цэргийн эмнэлэгт тусгаарлагдсан 22 хүний шинжилгээ хийгдэж байна. Токиогийн онгоцоор ирж цэргийн эмнэлэгт тусгаарлагдсан 52 хүнээс коронавирус илрээгүй. Сэлэнгэ аймагт тусгаарлагдсан 22 хүний шинжилгээнээс коронавирус илрээгүй. Гуравдугаар сарын 22-нд ХӨСҮТ болон орон нутагт сэжигтэй тохиолдол бүртгэгдээгүй. Биеийн байдал нь хүнд байсан хоёр хүний биеийн байдал сайжирч, тогтворжиж байна. Бусад иргэний биеийн байдал тогтвортой байгаа талаар мөн мэдээллээ.
О.Гоо-Оюун