Монгол Улсын гавьяат жүжигчин, ДБЭТ-ын гоцлол дуучин Э.Амартүвшин энэ сарын 11-нд эх орныхоо театрын тайзнаа бие даасан анхны тоглолтоо хийх гэж байна. Тэр энэ тоглолтоороо дэлхийн сонгодог бүтээлүүдийг сонгосон бөгөөд монгол, итали, орос хэлнээ 8 ари, таван романс дуулах юм байна.Тоглолтод УДБЭТ-ын найрал дуучид, симфони найрал хөгжим, ерөнхий концертмейстер, гавъяат жүжигчин Б.Солонго, Итали улсын “Ла Скала” театрын удирдаач Стефано Салватори урилгаар оролцох юм. Э.Амартүвшин өнгөрсөн сарын 29, 30-нд “Ла Скала” театрын удирдаач Стефано Салваторитой хамтран Миланы ойролцоох хоёр хотод бие даасан тоглолтоо амжилттай зохион байгуулсан билээ.
Х.АЯЛГУУ
