ШИНЭ КОРОНАВИРУСЭЭР ӨВЧИЛСӨН ТАВАН ИРГЭН ЭДГЭРЛЭЭ

2020-08-01  

Шинэ коронавирусээр өвчилж ХӨСҮТ-д эмчлүүлж байгаа иргэдээс тав нь эдгэрч дараагийн шатны хяналтад шилжсэн тухай ХӨСҮТ-ийн захирал Д.Нямхүү ЭМЯ-ны өнөөдрийн ээлжит хэвлэлийн хурлын үеэр мэдээлэв.

Эдгэрсэн хүмүүсийн хамгийн ахмад нь 63 настай бөгөөд 35 хоног эмчлүүлсэн бол гурав нь монгол, хоёр нь орос иргэн байна. Өнөөдрийн байдлаар, манай улсад шинэ коронавирусээр өвчилсөн нь батлагдсан 291 тохиолдол бүртгэгдсэний 230 нь ийнхүү эдгэрлээ. ХӨСҮТ-д эмчилгээнд 61 хүн байгаагийн 58-ынх нь биеийн байдал хөнгөн гурав нь хүндэвтэр байна. Одоогоор ХӨСҮТ-д 85 хүн ажиглалт тандалтад байгаа бөгөөд дараагийн тусгай нислэгээр ирэх хүмүүсийг хүлээн авах бэлтгэлээ бүрэн хангаад байгаа талаар ХӨСҮТ-ийн захирал Д.Нямхүү тэмдэглэв.

ХӨСҮТ болон Дархан-Уул аймгийн лабораторид өчигдөр 306 хүний сорьцод шинжилгээ хийхэд коронавирус илрээгүй аж. Үүнийг задлавал 260 нь энэ сарын 30-нд Сөүлээс ирсэн хүмүүс юм. Мөн ХӨСҮТ-д тусгаарласан 4, ажиглах байранд байсан 6, Дархан-Уул аймагт тусгаарласан 1 иргэний давтан шинжилгээнээс коронавирус илрээгүй байна. Алтанбулаг боомтоор орж ирсэн ачаа тээврийн 25 жолоочоос гадна ГССҮТ болон Баянзүрх дүүргийн Өрхийн эрүүл мэндийн төвөөс долоон иргэнийг санамсаргүй байдлаар сонгон авч тандалт судалгаа хийхэд мөн коронавирус илрээгүй гэдгийг ХӨСҮТ-ийн захирал Д.Нямхүү мэдээллээ. 

Дэлхий даяар шинэ коронавирусээр 17 сая 404 мянган хүн өвчилж 677 мянган хүн амиа алдсан бол 10 сая гаруй хүн эдгэрсэн байна. Өчигдөр 300 мянга шахам шинэ тохиолдол нэмэгдсэн нь цар тахал эхэлснээс хойш 24 цагийн дотор хамгийн их халдвар бүртгэгдсэн тохиолдол боллоо. АНУ-д 68 мянга, Бразилд 58 мянган хүн халдвар авсан нь хамгийн их тохиолдол бүртгэгдсэн орнуудын жагсаалтыг тэргүүлсэн хэвээр байна. ОХУ-д 5480 хүн өвчилж 161 хүн амиа алдсан бол БНХАУ-д 168 шинэ тохиолдол нэмэгдсэний 6 нь гаднаас зөөвөрлөгджээ. Мөн БНСУ-д 31 тохиолдол илэрсний 23 нь гадаадаас зөөвөрлөгдөж ирсэн тохиолдол аж.

Эр сурвалж: МОНЦАМЭ
Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТА ШИНЭ ЗАСГИЙН ГАЗРЫН БҮРЭЛДЭХҮҮНД СЭТГЭЛ ХАНГАЛУУН БАЙНА УУ?