Улаанбаатар хотын Цагдаагийн газраас төгсөлтийн баяртай холбоотой асуудлаар хэвлэлийн бага хурал хийлээ. Сүүлийн үед төгсөлтийн баяртай холбоотой гомдлууд цагдаагийн байгууллагад ихээр ирэх болсон байна. Тодруулбал, хонхны баяр зохион байгуулж байгаа газрууд 180-200 мянган төгрөгийн багцыг санал болгож, арга хэмжээг зохион байгуулах амлалтдаа хүрэхгүй хулхитдаг, монтажийг нь өгдөггүй, оюутнуудыг төгсчихөөр нь студиуд нь алга болчихдог тохиолдол ихэсчээ.
Тиймээс Улаанбаатар хотын цагдаагийн газраас оюутан залуусыг гэрээнийхээ дагуу шаардлагаа тавьж ажиллах, тухайн албан газраас нээлттэй арга хэмжээ, хүндэтгэлийн хүлээн авалт дээр гэрээгээр хүлээсэн үүргээ биелүүлэхийг шаардахыг уриаллаа. Мөн төгсөлтийн баярыг “Эрдмийн баяр” хэлбэрээр тэмдэглэхийг уриалсан юм.
А. САЯН