ИХ БРИТАНИД ХАЛДВАР ХОЁР ДАХЬ ДАВЛАГАА ЭХЭЛЖ БУЙГ МЭДЭГДЛЭЭ

2020-09-19  

"Их Британид “COVID-19” халдварын хоёр дахь давлагаа эхэлж буйг бид харж байна. Цар тахал дахин дэгдэхээс тойрч гарах аргагүй юм" гэж тус улсын Ерөнхий сайд Борис Жонсон мэдэгджээ.

Б.Жонсон орон даяар хоёр дахь удаагаа хөл хорио тогтоохыг хүсэхгүй байгаагаа илэрхийлсэн боловч хязгаарлалтын шинэ арга хэмжээнүүдийг танилцуулах шаардлага үүсэж магадгүй хэмээн хэлсэн байна.

Их Британид өдөрт бүртгэгдэх халдварын тохиолдлын тоо ойролцоогоор хоёр дахин нэмэгдэж, эмнэлэгт хэвтэн эмчлүүлэгсдийн тоо өсөж, Английн хойд хэсэг, Лондонд халдвар тархах болсонтой холбоотойгоор дахин хөл хорио тогтоож магадгүй талаар олон нийтийн хэвлэл мэдээллийн хэрэгслүүд мэдээлж байсан юм.

“Бид халдварын хоёр давлагаа эхэлж буйг харж байна. Үүнийг тойрч гарах боломжгүй гэдгээс би эмээж байна” гэж Ерөнхий сайд мэдэгджээ. Их Британид баасан гарагт халдварын 4322 тохиолдол шинээр илэрсэн нь өнгөрсөн тавдугаар сарын 1-нээс хойших хамгийн өндөр үзүүлэлт болжээ.

Их Британийн Засгийн газрын мэдээллээр 386936 хүн халдвар авч, 41732 хүн нас барсан байна. 

Эх сурвалж:  REUTERS

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
ТОРГУУЛИА ТӨЛӨӨГҮЙ ТЭЭВРИЙН ХЭРЭГСЛИЙГ ЗАМЫН ХӨДӨЛГӨӨНД ОРОЛЦУУЛАХГҮЙ БАЙХ НЬ ЗӨВ ҮҮ?