“CORPORATE” зочид буудалд гарсан галын талаар Нийслэлийн онцгой байдлын ерөнхий газрын дэд дарга Д.Эрдэнэбаатар мэдээлэл хийлээ. Хан-Уул дүүргийн 15-р хороонд орших “CORPORATE” зочид буудлын өргөтгөлийн долоон давхрын барилгад гал гарлаа гэх дуудлага 13:52 минутад Нийслэлийн удирдлагын шуурхай албанд ирсэн байна. Гал унтраах албаныхныг 14:15 минутад очих үед хоёр хүн угаартсан байсан бөгөөд эмнэлэгт хүргэгджээ. Одоогоор тэдний биеийн байдал тодорхойгүй байна гэв. Тэрээр галыг бүрэн унтарсны дараа юунаас болж гарсныг тогтооно. Одоо ямар нэгэн тайлбар өгөх боломжгүй гэсэн юм.
А.САЯН