АНУ-д “COVID-19”-ийн 146 сая орчим тун вакциныг тариад байна гэж тус улсын Өвчинд хяналт тавих, урьдчилан сэргийлэх төв /CDC/ даваа гарагт мэдээлэв.
“CDC”-ийн мэдээлснээр, улсын хэмжээнд түгээсэн 180 646 656 тун вакцины 81 орчим хувийг нь буюу 145 812 835-ыг тарьжээ. АНУ-д өнгөрсөн долоо хоногт өдөрт дунджаар 2.8 сая орчим тун вакцин тарьсан байна.
Ингэснээр АНУ-ын насанд хүрсэн хүн амын 29 орчим хувь буюу 95 сая гаруй хүн вакцины ядаж нэг тунг хийлгэсэн бол 52.6 сая орчим хүнийг /16 хувь орчим хувь/ бүрэн вакцинжуулжээ.
Тодруулбал, 18 болон түүнээс дээш насны таван хүн тутмын нэг нь “COVID-19”-ийн вакцинжуулалтад бүрэн хамрагдсан байна.
Эх сурвалж: ВАШИНГТОН. /CNN/