“Цензургүй сурвалжлага” нэвтрүүлгийн сэтгүүлч Л.Мөнхбаясгалан Олон улсын эрэн сурвалжлах сэтгүүлчдийн холбоонд хандаж, оффшор данс эзэмшдэг Монгол хүмүүсийн тухай баримтуудыг бүрэн эхээр нь авах хүсэлт тавьж, АНУ-ыг зорих гэж буйгаа фэйсбүүкээрээ дамжуулан мэдэгдээд байсан. Тэрээр өнөө шөнө нисэх байсан боловч тодорхой шалтгаангүйгээр түүнийг хилээр гарахыг хоригложээ. Энэ тухайгаа өөрийн фээсбүүк хуудаснаа ийн бичсэн байна.
“Сэтгүүлч миний бие АНУ ын Вашингтонд орших Олон улсын эрэн сурвалжлах сэтгүүлчдийн холбоотой уулзаж гишүүнээр элсэн Монголын олигархуудын талаарх оффшор мэдээллүүдийг авахаар өнөө шөнө 00.55 нисэх байлаа. Гэтэл Эрүүгийн цагдаагийн газрын ахмад Баасанжав ажил тарсны дараа 20.00 цагийн үед гэнэт дуудав. Ажил тарсны дараа утсаар ярьсан учир дараа очъё гэтэл албадан авчирна хэмээв. Онгоц нисэхээс өмнө гялс уулзаад явъя гээд очтол Эрүүгийн хэрэг үүсгэн улсын хилээр гарахыг хориглов. Ийнхүү оффшорчдын мөрөөр орж олон улсын сэтгүүлчидтэй нэгдэх гарцыг минь хаалаа. Энэ их чухал ажил байсан юм аа, уг нь. . Сүүлийн үед манай багт үзүүлж байгаа дарамт хэрээс хэтэрлээ. Маргааш хэвлэлийн бага хурал хийж олон түмэнд дэлгэрэнгүй мэдээлэл өгнөө, өнөө шөнө баривчлагдчихгүй бол... та бүхэнд баримт болгож авчихсан байсан онгоцныхоо тийзийг оруулав” гэжээ.
А.САЯН