Томуугийн вакцинжуулалт 63.78 хувьтай үргэлжилж байна. Тодруулбал, цар тахлаас гадна улирлын томуугийн халдварын дэгдэлт эхэлж буйтай холбоотойгоор бага насны хүүхдүүд, жирэмсэн эмэгтэйчүүдийг сайн дурын үндсэн дээр томуугийн вакцинд хамруулж байгаа юм. Өнөөдрийн байдлаар Хэрлэн сумын хэмжээнд нийт 3189 хүүхэд томуугийн эсрэг вакцинд хамрагджээ. Үүнд хоёроос гурван насны 252 хүүхэд, гурваас таван насны 991 хүүхэд, зургаагаас 11 насны 1946 хүүхэд хамрагдаад байна.
Аймгийн төвд томуугийн эсрэг дархлаажуулалтад 5000 хүүхэд хамрагдахаас 3189 хүүхэд буюу 63.78 хувь нь, 420 жирэмсэн эмэгтэй хамрагдахаас 16 эмэгтэй буюу 3,8 хувь нь вакцинаа хийлгэжээ.
Эх сурвалж: МОНЦАМЭ
