Зайсангийн гудамжнаас Удирдлагын академийн хойгуур “Жапан таун” орон сууцны хороолол хүртэлх 0.75 км авто замыг 5 дугаар сарын 23-нд улсын комисс байнгын ашиглалтад хүлээн авч, албан ёсоор нээлээ. Хуучин авто зам нь Зайсангийн гудамжнаас Удирдлагын академийн авто машины зогсоол хүртэл 7 метр өргөн зорчих хэсэгтэй, 1,5 метр явган хүний замтай, замынхаа нэг талдаа гэрэлтүүлэгтэй байсан юм. Тухайн хэсгийн зам нь эвдрэлтэй, борооны ус зайлуулах шугамгүй байснаас ус их тогтдог байжээ. Удирдлагын академийн авто зогсоолоос “Жапан таун” хорооллын авто зам хүртэл замгүй байсан бөгөөд зам засварын ажил хийгдсэнээр зорчих хэсгийг 14 метр өргөн, 2 талдаа явган хүний зам, иж бүрэн гэрэлтүүлэг болон борооны ус зайлуулах шугамтай болжээ.
Д.ТҮВШИН
