Япон-Монгол хооронд байгуулсан “Эдийн засгийн түншлэлийн тухай” хэлэлцээр 2016 оны зургадугаар сарын 7-ны өдрөөс буюу өнөөдрөөс эхлэн хүчин төгөлдөр хэрэгжиж эхэлнэ. Тодруулбал, Монгол Улсаас Япон руу экспортлогддог 5700, Япон улсаас Монгол Улс руу орж ирдэг 9300 орчим нэр төрлийн бараа бүтээгдэхүүн гаалийн тарифыг бууруулах юм. Ингэхдээ Япон улсаас орж ирэх автомашины импортын гаалийн татварыг чөлөөлөх бөгөөд 0-3 хүртэлх жил ашигласан автомашины импортын татвар зургадугаар сарын 7-оос буюу өнөөдрөөс эхлэн тэглэгдэнэ. Харин 4-6 жил ашигласан автомашин жил тутам буурах, 10-аас дээш жил ашиглагдсан машины импортын татвар чөлөөлөгдөхгүй байхаар тохирчээ.
Монгол-Японы худалдааны нэг жилийн эргэлт 300-500 сая ам.доллар байдаг ажээ. Энэ нь Монголын нийт худалдааны 3-4 хувийг эзэлж буй юм. Харин дээрх чөлөөт худалдааны хэлэлцээр байгуулагдсанаар ирэх хоёр жилд энэ тоо 50-60 хувиар нэмэгдэнэ хэмээн тооцоолжээ.
А.САЯН
