Эхний тоглолтдоо Уэльсд 2-1 ээр хожигдсон Словакчууд хэсгийнхээ 2 дахь тоглолтод Европын аваргийг дуулиан шуугиантайхан эхлүүлсэн хойд хөршийг маань 2-1 буулган авч 3 оноотойгоор хэсгийнхээ эхний байрлуу дэвшлээ. Оросуудын хувьд эхний тоглолтоо тун давгүй тоглолт үзүүлэн Английн шигшээтэй 1-1 тэнцээд байсан боловч өнгөрсөн шөнө хожигдсоноор хэсгээс гарах үгүй нь асууудалтай болж ирлээ.
Эхний гоолийг Вейсс алсын дамжуулалтаар Оросын 2 тоглогчыг хууран Акинфеевийн хаалганы зүүн захад цөм цохин хийснээр Словак тоглолтыг тэргүүлж эхэлсэн. Эхний гоолоос 13 минутын дараа багийн түлхүүр тоглогч Марек Хамшик 16 талбай дотроос гайхалтай цохилт хийн тоог 2-0 болгон холдуулсан.
80 дахь минутад Глушаков гоолдсон боловч Оросууд үлдсэн минутад дахин хаалганы торыг хөдөлгөлгүй байсаар цаг дуусаж Словакчууд бүтэн оноотой тоглолтыг өндөрлүүлсэн.