Их Британийн нэгдсэн Вант Улсын 2 улс болох Англи, Уэльс 2 хэсгийнхээ 2 дахь тоглолтыг хоорондоо хийлээ. Тоглолтын турш Англичууд санаачлагыг авч тоглож байсан боловч эхний үед гоол оруулж чадахгүй л байлаа. Тоглолтын 42 дахь минутад дэлхийн хамгийн үнэтэй хөлбөмбөгчин Гарет Бел хаалганаас 40 гаруй метрийн зайнаас чөлөөт цохилтоор Жое Хартын зүүн доод буланд гайхалтай гоолыг оруулсан. 2-р үе эхлэхэд Английн шигшээгийн дасгалжуулагч Рое Хожсон Жеми Варди, Даниел Старриж нарыг оруулж ирсэн. Варди 56 дахь минутад, Старриж шүүгчийн мэдлийн сүүлийн минутад хожлын гоол оруулснаар багаа хасагдах шатанд орох эрхийг нь баталгаажуулсан.
Тоглолтын тойм
