Жолооны үнэмлэх, бэлдэц хор, дагалдах хэрэгсэл нийлүүлэх тендерийг өнгөрсөн дөрөвдүгээр сард зарласан. Энэхүү тендерт “Смарт солюшн” компани дахин шалгарсан бөгөөд тус компанитай Хууль зүйн яам гэрээ байгуулах үлджээ. Уг гэрээг байгуулснаар бэлдэц нийлүүлэлтийн ажил эхэлж, 7-р сараас эхлэн жолооны үнэмлэхийг хэвлэх юм байна.
Үнэмлэх гарах хүртэлх хугацаанд хаяж үрэгдүүлсэн, солиулахаар хандсан, шинээр төгссөн жолооч, ангилал ахиулсан хүмүүст түр үнэмлэх өгч байгаа ажээ. Жолооны түр үнэмлэх нь ирэх есдүгээр сарын 1-нийг хүртэл хүчинтэй юм байна.
А.САЯН