Өнгөрсөн бямба гарагт Чингэлтэй дүүрэгт хүн амины онц ноцтой хэрэг гарчээ. Тодруулбал, тус дүүргийн 18-р хорооны ... тоотод айлын хашааны ухсан нүхэнд хүний амь нас хохироогоод, булсан байна гэх мэдээллийг нэгэн иргэн цагдаагийн байгууллагад өгчээ.
Мэдээллийн дагуу цагдаагийн алба хаагчид хэргийн газарт очиж шалгалт хийхэд тус хороонд суух 42 настай эмэгтэй А-г хөнөөгөөд, цогцсыг нь ухсан нүхэнд булсан байжээ. Цагдаагийн алба хаагчид шуурхай ажилласны эцэст хэрэгтнийг олж тогтоосон байна. Уг хэргийг тус хороонд суух 24 настай Г гэгч залуу үйлджээ. Хэргийг одоо Чингэлтэй дүүргийн цагдаагийн хоёрдугаар хэлтэст шалгаж байна.
А.САЯН