7-р сарын 15-16-ны өдрүүдэд Улаанбаатар хотноо зохион Ази-Европын Дээд түвшний 11 дүгээр уулзалтад ажиллах B, D ангилалтай жолооч нарыг бүртгэж эхэлжээ.
Ажиллах хүсэлтэй жолооч нар энэ сарын 30-ныг хүртэл бичиг баримтаа бүрдүүлэн өгөх юм байна. Улмаар шаардлага хангасан жолооч нартай гэрээ байгуулан долдугаар сарын 7-18-ны хооронд хамтран ажиллах ажээ.
Ингэхдээ жолооч нар дараах шаардлагыг хангасан байх ёстойг анхаарна уу.
• Тээврийн боловсролтой, 28 наснаас дээш, туршлага 10–аас дээш жил, Д ангиллаар 5-аас дээш жил ажилласан тус ангиллаар мэргэшсэн жолооч байх
• 2015 оны нэгдүгээр сарын 01-ний өдрөөс хойш зам тээврийн осол зөрчил гаргаж байгаагүй, зөрчлийн 10 оноо бүрэн байх
• Гадаад хэлний зохих түвшний мэдлэгтэй байх
• Эрүүл мэндийн үзлэгт бүрэн хамрагдсан байх
• Байгууллагын тодорхойлолт
Бүрдүүлэх материалын тухайд :
• Ажилд орохыг хүссэн анкет 1 дүгээр маягт 1 %
• Иргэний үнэмлэх хуулбар
• Жолоочийн үнэмлэхийн хуулбар
• Мэргэшсэн жолоочийн үнэмлэхийн хуулбар
• Авто үйлчилгээ мэргэшсэн жолоочийн сургалт хариуцсан хэлтэст “Замын хөдөлгөөний дүрэм”-ийн шалгалт өгөх /Шалгалтын хураамж 9900 төгрөг төлөх/
Дээрх шаардлагыг хангасан жолооч нар Сүхбаатар дүүрэг хоёрдугаар хороо, Засгийн газрын 13 дугаар байрны залгаа, Автотээврийн үндэсний төв, хоёр давхар 202 тоотод материалаа өгөх юм байна.
А.САЯН