Хэсгээсээ 2-оор гарсан Англичууд маш зөөлхөн боорцог болох Исландад 1:2 харьцаагаар хожигдож, EURO-2016-ийн анхны дуулианыг дэгдээлээ. 2006 оноос хойш өөдлөөгүй, олигтой амжилт үзүүлээгүй Английн хөлбөмбөгийн шигшээ энэ удаа хасагдах шатандаа бас л бүдэрч хорхойтнууд болон дэмжигчдээ гонсойлголоо.
24 баг оролцсон Европын аварга шалгаруулах тэмцээний хамгийн өндөр цалинтай Английн дасгалжуулагч Рой Ходсон тоглолтын дараа өөрийн 2 туслахын хамт ажлаа өгнө гэдгээ албан ёсоор мэдэгдлээ. Тэр багийнхаа тамирчдыг сайн тоглосон. Авьяастай, эрч хүчтэй залуу багийг шинэ хүн удирдаж, шинэ өндөрдөгт хөтлөх нь зөв гэж хэллээ. Одоогоор Английн шигшээ багийг NEWCASTLE багийн довтлогч асан Алан Ширьеэр түр удирдах хүсэлтэй болохоо илэрхийллээ. 2018 оны Дэлхийн аваргад Английн шигшээг удирдах дасгалжуулагчийг томилтол, Алан Ширьер ажиллаж болно гэж мэдэгдлээ.
Ийнхүү Европын холбооноос Англи улс гарах болсонтой холбогдуулан ерөнхий сайд Д.Камерон 10-р сард ажлаа өгөх болсон бол Рой Хожсон өнөөдөр ажлаа хүлээлгэн өглөө. Английг хожиж, дуулиан тарсан Исланд улс бол Монголоос газар нутгийн хувьд 15 дахин, хүн амын хувьд 10 дахин бага улс юм. Тэдний дараагийн учраа бол эзэн баг болох Францчууд юм.
Э.ЦЭНД
