Сонгогдохын өмнө долоочих гээд, сонгогдсоны маргааш нулимчих гээд байдаг. Энэ зурагтай ижил төстэй үйл явдал өрнөчих вий дээ гэж болгоомжлол төрлөө.
Нөгөө зөвшилцөл, ардчилал гэж ярьж байсан, гэгээрсэн гэх Г.Занданшатар маань хүртэл, өширхлийн өнгө аясаар үг хэлж бичлэгт хадгалагдан үлдлээ. Тэд АН-ын алдааг залруулах нэрээр төрийн албан хаагчдыг нэгдүгээрт, бүтэц зохион байгуулалтын өөрчлөлт нэрээр, үлдсэнийг нь сонгон шалгаруулалт нэрээр үй олноор нь хоморголон халах гэж байгаа далд санаагаа ил болголоо. 60,000 төрийн албан хаагч ажилгүй болох нь, түүний араас мянга мянган шударга, энгийн албан хаагчдыг ажил мэргэжилдээ тэнцэхгүй нэрээр гудамжинд хөөж гаргах төлөвлөгөөг Г.Занданшатар илчиллээ.
Засгийн газрын бүтцийг хэлэлцэх үеэр ингэж тэр хэллээ. Сонсоогүй бол үнэмшмээргүй. Гэгээрсэн гэх, зөвшилцөл бол ардчилал гэж ярих дуртай Г.Занданшатар ингэж хэлэхээр, бусдаас нь юу хүлээх билээ? Мөнхийн суудалд заларсан мэт авирласан АН-ын алдааг МАН бас л давтах бололтой. Тэд 2 сарын дараа дүүргийн сонгууль, 9 сарын дараа ерөнхийлөгчийн сонгууль, 4 жилийн дараа дахиад УИХ-ын сонгууль болно гэдгийг умартав бололтой. Эрдэх гэдэг осолтой.
.JPG)
Нийтлэлч Ц.ЭНХБАТ
