Замын хөдөлгөөний аюулгүй байдлын тухай хуулийн дагуу хуучин шар үнэмлэхийг саарал үнэмлэхээр энэ онд багтаан солиулах болсон. Тиймээс хуучин үнэмлэхээ солиулах хүсэлтэй иргэд болон шинээр үнэмлэх авч байгаа иргэд олширсон байгаа юм. Гэвч Лицензийн төв шинэ үнэмлэхний бэлдэц тасарснаас хэвлэлтээ түр зогсоож, хүлээлт үүсгээд байсан юм. Үүнтэй холбогдуулан 40 гаруй мянган үнэмлэх хуримтлагдсан аж.
Харин жолооны үнэмлэхийг Лицензийн төв өнгөрөгч долоо хоногоос хэвийн хэвлэж эхэлсэн мэдээллийг Замын цагдаагийн газраас өгч байна. Лицензийн төв уртасгасан цагаар ажиллаж нэг өдөрт 500-1000 жолооны үнэмлэх хэвлэж байгаа аж. Жолооны үнэмлэх солиулах гэж байгаа бол дараах материалыг бэлдэнэ. Үүнд :
1. Цээж зураг 1% / 3*4 хэмжээтэй /
2. Иргэний үнэмлэхний хуулбар эсвэл иргэний үнэмлэхний лавлагаа
3. Цусны бүлгийн тодорхойлолт
4. Жолооны үнэмлэхний төлбөр болох 12500 төгрөгийг тушаасан баримт
/ Дансны дугаар 900012408/
/ Хүлээн авагч банк / Төрийн сан банк
/ Хүлээн авагч / ЦЕГ-ын СХГазар
5. Хуучин шар үнэмлэх
Эдгээр бичиг баримтыг бүрдүүлэн Лицензийн төв дээр өгнө.
