Сангийн яамнаас мэдээлэл хийж агентлагийн дарга болон түүнээс дээш Ерөнхий сайд, Ерөнхийлөгч хүртлээ Төрийн өндөр албан тушаалтан, аймгийн Засаг дарга, ИТХ-ын дарга нарын цалинг 30 хүртэл хувиар танах болсныг мэдэгдлээ. Мөн МИАТ, Эрдэнэт үйлдвэр зэрэг Төрийн өмчит компаниудын дарга нарын цалинг мөн танах юм байна. Харин эмч, багш, цагдаа зэрэг төрийн албан хаагчдын цалинг бууруулахгүй гэж Сангийн яамны Төсвийн бодлого хариуцсан газрын дарга Ж.Ганбат хэллээ.
Өчигдөр ерөнхий сайд Ж.Эрдэнэбат мэдээлэл хийж, Олон улсын хөрөнгө оруулагчдыг татах, жижиг дунд үйлдвэрлэлийг дэмжих, ипотекийн зээлийг үргэлжлүүлэх, төрийн албан хаагчдын цалинг буруулж, төрийн албаны зардлыг багасгах болсон тухайгаа мэдээлсэн.
А.САЯН
