Хичээлийн шинэ жил эхлэхтэй холбогдуулан замын хөдөлгөөний ачааллыг бууруулах зорилгоор амралтын өдрүүдэд дугаарын хязгаарлалт үйлчлэх захирамжийг нийслэлийн засаг дарга гаргасан. Энэ шийдвэр өнөөдрөөс эхлэн хэрэгжиж байна.
Таны автомашины улсын дугаарын сүүлчийн орон ТЭГШ ТООГООР (0, 2, 4, 6, 8) төгссөн бол наймдугаар сарын 20, 27-ны Бямба гарагт, СОНДГОЙ ТООГООР (1, 3, 5, 7, 9) төгссөн бол энэ сарын 21, 28-ны ням гарагт замын хөдөлгөөнд оролцоно. Зуны хязгаарлалтын бүсэд 08.00-20.00 цагийн хооронд үйлчилнэ.
Авто зам засвар, хот тохижилт, шугам сүлжээний болон зөөврийн ус хангамжийн автомашин, зочид төлөөлөгчдийн цуваа, дипломат байгууллагын, нийтийн зорчигч тээврийн хэрэгсэл, стандартын шаардлага хангасан такси, ажилчдын автобус, таних тэмдэг бүхий хэвлэл мэдээллийн байгууллагын тээврийн хэрэгсэл, тусгай дуут болон гэрэл дохиогоор тоноглогдсон, хойшлуулшгүй ажил үүрэг гүйцэтгэж яваа тээврийн хэрэгсэлд дээрх хязгаарлалт хамаарахгүй гэдгийг Замын цагдаагийн газраас анхаарууллаа.
А.САЯН