Чөлөөт бөхийн 125 кг-ын жинд 20 бөх өрсөлдөж, “А” хэсэгт 8, “Б” хэсэгт 12 бөх таарсан. “А” хэсэгт орсон олон улсын хэмжээний мастер Ж.Чулуунбат нэгдүгээр тойрогт Туркийн бөх, ДАШТ-ний хүрэл, хошой алтан медальт, Зуны “Универсиад” наадмын аварга, европийн спортын наадмын аварга, тивийн 3 удаагийн аварга Таха Акгультай барилдаж онооны илт давуугаар Туркийн бөх манай тамирчныг ялж шалгарлаа. Улмаар Туркийн бөх Таха Акгуль финальд шалгарсан нь Ж.Чулуунбатад дагаж барилдах боломжийг олгож тэрээр Беларусийн нэр дээр барилдаж байгаа ОХУ-ын Дагестаны бөх Ибрагим Саидовтой хүч үзэж 4:1-ээр яллагдаж тэмцээнээ өндөрлүүллээ.
Э.ОТГОНЖАРГАЛ
