2016 оны Риогийн паралимпийн наадмын бамбарыг 25-нд Бразилийн нийслэл Бразил хотод асаалаа. Паралимпийн бамбар дамжуулах ажил 9-р сарын 1-ний өдрөөс эхлэх бөгөөд Бразилийн 5 хотыг дамжин Рио Де Жанейрод хүрэх юм байна.
Бразилийн Ерөнхийлөгчийн үүрэг гүйцэтгэгч Мишель Teмeр паралимпийн наадмын бамбарыг асаалаа. Үүний дараа, тэрээр бамбарыг Бразилийн тамирчин, Лондонгийн паралимпийн наадамд алтан медаль авсан Насиментод дамжуулжээ.
Насименто хэлэхдээ "Бразилийн паралимпийн тамирчид дасгал сургуулилтаа хичээн хийж байна. Бразил нийт медалийн тоогоороо эхний тавд орох маш том зорилт тавьж байна. Ер нь бид олон талын дэмжлэг авч, бэлтгэл сургуулилтаа сайтар хийсэн" гэжээ.
Риогийн олимп, паралимпийг зохион явуулах хорооны дарга Карлос Артур Нузман хэлэхдээ "Риогийн олимпийг зохион явуулсан туршлагаараа паралимпийн наадмыг амжилттай зохион явуулна" гэжээ.
Энэ удаагийн паралимпийн уралдаан тэмцээн 9-р сарын 7-18-ны өдөр хүртэл үргэлжилнэ.
Ц.БАТТУЯА