“Ахиллис Монгол” ТББ-аас жил бүр зохион байгуулдаг “Итгэл, найдвар боломж-Улаанбаатар-2016” марафон гүйлт есдүгээр сарын 10-нд Үндэсний цэцэрлэгт хүрээлэнд болно. Хөгжлийн бэрхшээлтэй иргэдэд спортоор хичээллэх боломжийг бий болгох, спортоор дамжуулан өөртөө итгэх итгэлийг нэмэгдүүлэх зорилготой энэхүү хандивын гүйлтийн хураамж 100 хувь хөгжлийн бэрхшээлтэй иргэдэд зориулагдах ажээ.
Нийслэлчүүдийг ирэх сарын 10-ны бямба гарагийг гэр бүл, найз нөхөд, хамт олонтойгоо Үндэсний цэцэрлэгт хүрээлэнд цэвэр агаарт, марафонд оролцон, хөгжлийн бэрхшээлтэй иргэдийг дэмжин нэгэн өдрийг утга төгөлдөр өнгөрүүлэхийг тус байгууллагаас уриаллаа.
А.САЯН