Энэ жил эцэг эхчүүд хамран сургах тойргийнхоо цэцэрлэгт 8-р сарын 22-26-ыг хүртэл хүүхдээ бүртгүүлж, элсэлтийн тасалбараа авсан. Өнөөдөр харин хүүхдээ цэцэрлэгт өгөх эсэхээ шийдэж сугалаа сугалж байна. Хан-Уул дүүргийн 67-р цэцэрлэгт харъяа дүүргийн 131 хүүхэд бүртгүүлснээс 80 хүүхдийг элсүүлэх юм. Харин үлдсэн 51 хүүхэд цэцэрлэггүй үлдэнэ.
Сугалааг шударга явуулахын тулд цэцэрлэгийн багш, ажилтан, эцэг эхийн төлөөлөл, хорооны ажилтан гэсэн бүрэлдэхүүнтэй комисс сугалааг ил тод, нээлттэйгээр зохион байгуулан явуулж байна.
Энэ жил төрийн өмчийн болон хувийн хэвшлийн 75 цэцэрлэгийг ашиглалтад орсноор 6115-хүүхэд нэмэгдэж, Улаанбаатар хотод амьдарч буй 2-5 настай 145 мянган хүүхдийн 101 мянгыг цэцэрлэгт хамрагдана.
А.САЯН