Өнгөрсөн 4-р сарын 4-5-нд шилжих шөнө Сүхбаатар дүүргийн 6-р хорооны нутаг дэвсгэрт байрлах нэгэн зочид буудалд хүн амины онц ноцтой хэрэг гарсан талаар өмнө нь мэдээлж байсан. Тодруулбал зочид буудалд хүн амины хэрэг гарлаа гэх дуудлагын дагуу цагдаагийн албан хаагчид хэргийн газарт очиход гурван иргэн байсан бөгөөд нэг нь амиа алдаж, нэг нь тархиндаа хүнд гэмтсэн байдалтай байсан аж.
Уг хэргийг шалгаж А сэжигтнээр тооцон баривчилжээ. Тэрээр талийгаач Н-ийн нөхөр бөгөөд “архи уулаа” гэх шалтгаанаар маргалдаж аминд нь хүрсэн гэдгээ хүлээсэн байна. Шүүх энэ хэргийг хэлэлцэж, 24 жилийн ял оноосон байна. Яллагдагч А нь урьд нь 4 удаа ял шийтгүүлэхдээ 2 удаа нь хүнд гэмт хэрэг үйлдэж, ял эдэлж байжээ.
А.САЯН