9 сар гарснаас хойш гэмт хэргийн өнгийг харахад хулгайн гэмт хэрэг ихсэх хандлагатай байна.
Өнгөрсөн амралтын өдрүүдэд буюу 2016.09.03 өдөр хулгайн гэмт хэргийн 19 тохиолдол бүртгэгдсэн бол 2016.09.04 өдөр буюу өчигдөр 24 хулгайн гэмт хэрэг бүртгэгдсэн байна. Хулгайн гэмт хэрэг дотроо машины эд анги хулгайлах, цонхыг нь хагалан доторх эд зүйлсийг нь авах хэрэг их байна.
Дүүргээр нь авч үзвэл БГД болоод СБД-дэд энэ төрлийн хэрэг их гарч байна. Зогсоолд байрлуулсан авто машины эд ангийг хулгайлж байгаагаас гадна гражаа онгорхой орхисон иргэний машин доторх эд зүйлсийг хулгайлсан байна.
Иймээс жолооч нар авто машиндаа эд зүйлсээ орхихгүй байх, түүнчлэн машинаа хяналтын камертай газар байршуулж байхыг сануулж байна.
Л.ГАНТУЯА