Орон байр, зуслангийн хулгай их гарч байна. Цагдаагийн байгууллагаас анхааруулсаар байгаа ч энэ төрлийн гэмт хэргийн гаралт буурахгүй байгаа аж. Хан-Уул дүүргийн “Дэнжийн ... тоотод хулгай орж эд зүйл алдагдсан байна” гэх мэдээллийг 9-р сарын 5-ны 12:40-д авч шалгахад, Тус тоотод суух Г-гийн сууцны хаалганы цоожийг тус хорооны иргэн У /эр 28 настай/ хөшин орж төслийн “Хас” зуухыг хулгайлсныг илрүүлэн Хан-Уул дүүргийн цагдаагийн 2-р хэсэг шилжүүлжээ.
Улаанбаатар хотын хэмжээнд 9-р сарын 5-ны өдрийн 05:00 цагаас 9-р сарын 6-ны өдрийн 05:00 цагийн хооронд иргэд, байгууллагаас нийт 3750 удаа холбогдсоноос нийт 2116 мэдээлэл шалгагдаж, гэмт хэргийн 88, зөрчлийн 1190, согтуугийн 438, зам тээврийн ослын 338, мэдээлэл шалгахад гэмт хэргийн шинжтэй 62 үйлдэл бүртгэгдснийг холбогдох нэгжүүд шалгаж байна.
А.САЯН
