Өнгөрсөн амралтын өдрүүдэд цагдаагийн байгууллагад бүлэглэн дээрэмдэх, хулгайлах төрлийн гэмт хэргийн дуудлага нэмэгдсэн байна.
Баянзүрх дүүргийн 6 дугаар хорооны нутаг дэвсгэрт “АШУҮИС-ийн оюутны дотуур байрны орчим үл таних хоёр залуу дээрэмдлээ” гэсэн дуудлага цагдаагийн байгууллагад иржээ. Дуудлагын дагуу шалгахад Баянзүрх дүүргийн ... тоотод оршин суух Ж.С (эр, 20 настай)-г Дархан-Уул аймаг ... суманд суух Б.Г (эр. 27 настай) бусадтай бүлэглэн зодож, үүрч явсан үүргэвч, савхин хүрэм зэрэг эд зүйлийг дээрэмдсэн байна.
Мөн Чингэлтэй дүүргийн 16 дугаар хорооны нутаг дэвсгэрт “Бүлэг залуучуудад дээрэмдүүллээ” гэсэн дуудлага иржээ. Дуудлагын дагуу шалгахад Согоотын .... тоотод суух Б.Ө (эр, 27 настай)-ийн “Lenovo” гар утас, саравчтай малгай, бэлтгэлийн хувцас, кетийг Чингэлтэй дүүргийн ... тоотод суух Б.У (эр, 21 настай) нь согтуурсан үедээ бусадтай бүлэглэн зодож дээрэмдээд зугтаасныг илрүүлэн шалгаж эхэлжээ.
А.САЯН