Тусгай дугаарууд руу хүүхдүүд залгаж тоглох, мөн иргэд утсаа шалгах зэргээр шаардлагагүй дуудлага хийдэг байна. Энэ үйлдлүүд нь ачаалал үүсгэж тухайн үед яаралтай тусламж шаардлагатай байгаа иргэдэд хүндрэл учруулдаг ажээ. Тиймээс эдгээр дугаар руу гурваас олон удаа тоглож залгасан эсвэл шалтгаангүйгээр залгасан дуудлагыг Захиргааны хариуцлагын тухай хуулийн 30 дугаар зүйлийн 30.2 дахь хэсгийг үндэслэн хүүхэд бол эцэг эх, асран хамгаалагчдад нь, иргэдэд цагдаагийн байгууллагаас хариуцлага тооцож байхаар болжээ.
Тодруулбал, та цагдаагийн алба хаагч, туслах ажилтны хууль ёсны шаардлагыг биелүүлэхгүй эсэргүүцвэл 5000-20000 төгрөгөөр торгох, эсхүл 7-14 хоногийн хугацаагаар баривчлах шийтгэл ногдуулах юм байна.
А.САЯН