Мансууруулах бодис хэрэглэж байгаад амиа алдсан хэрэг энэ сарын 12-ны өдөр гарчээ. Тодруулбал, нэгэн залуу Хан-Уул дүүргийн нэгдсэн эмнэлэгт ухаан алдаж унасан байдалтай хүргэгдэн иржээ. Улмаар эмчилгээ хийлгэж амжилгүй амьсгал хураасан байна. Талийгаачтай хамт 18-22 настай хоёр залуу хар тамхи, мансууруулах төрлийн бодис болох каннабисыг татаж, мансуурсан бөгөөд энэ үед 18 настай залуугийн гар хөл нь татан, ухаан алдан унаснаар ийнхүү амиа алджээ. Хэргийг Хан-Уул дүүргийн цагдаагийн хоёрдугаар хэлтэст эрүүгийн хэрэг үүсгэн шалгаж байна.
Гуравхан сая хүн амтай манай оронд хар тамхи тээвэрлэж яваад баригдсан, татаж мансуурсан хэрэг сүүлийн үед тасралтгүй гарах болсон. Тэр дундаа эмэгтэйчүүд хар тамхинд донтох нь ихэссэн гэдгийг эмч мэргэжилтнүүд хэлж байна.
А.САЯН