Энэ сарын 30-ныг хүртэл гадаад паспортын захиалга авахгүй юм байна. Учир нь жилд 120 мянган иргэн гадаад паспорт захиалдаг байсан бол энэ жил хагас жилийн дотор 122 мянган иргэн гадаад паспорт авах хүсэлт ирүүлснээс ачаалал үүсчээ.
Гэхдээ зайлшгүй шаардлагатай хүсэлтийг хүлээн авч, паспорт гаргаж өгөх аж. Тухайлбал яаралтай эмчилгээнд явах, хурал зөвлөгөөн, тэмцээн уралдаан, сургуульд явах иргэдийн хүсэлтийг хүлээн авч, гурав хоногийн дотор шийдвэрлэх гэнэ.
10-р сарын 1-нээс эхлэн 10 хоногийн дотор гаргах энгийн үйлчилгээ нь хэвийн үргэлжлэх бол 3 хоногийн дотор яаралтай гаргах үйлчилгээг үзүүлэх шийдвэр одоогоор гараагүй байна.
Хэрэв гадаад паспорт захиалахаар яаравчилж байгаа бол 9-р сарын 30-наас өмнө гадаад паспорт захиалах материалаа бүрдүүлээд / иргэний үнэмлэх, 3% цээж зураг, төлбөр төлсөн баримт / тухайн өдөр дугаараа авбал цаг хугацаа хожих боломжтой ажээ.
А.САЯН