Манай улсад ганцхан өдрийн дотор зам тээврийн осолд өртөж байгаа хүний тоо өдөр бүр дайны аюултай байдаг Сири улсад амь үрэгдэж байгаа хүний тооноос ч өндөр байна. 2016 оны 9 дүгээр сарын 19-ний ганцхан өдрийн тоон мэдээгээр 23 хүн зам тээврийн ослоос болж хүнд, хөнгөн гэмтсэн байна. Үүнээс сургуулийн өмнөх насны 3 хүүхэд, сургуулийн насны 2 хүүхэд өртсөн мэдээ байна.
Тухайлбал : ХУД-ийн нутаг Буянт-Ухаа-2 хорооллын зогсоолд N.Tiida автомашины жолооч О нь ганцаараа гадаа тоглож байсан 5 настай С-г мөргөж гэмтээсэн.
ЧД-ийн нутаг Далан давхарын замд T.Prius-30 маркийн автомашины жолооч Д нь явган зорчигч 5 настай, эмэгтэй Г-г мөргөж гэмтээсэн байна. Машинд мөргүүлсэн 5 настай охин 7 настай ахын хамт явж байсан байна. Эцэг эхчүүд бага насны хүүхдээ замын хөдөлгөөнд харгалзах хүнгүйгээр оролцуулж байгаагаас энэ мэтээр зам тээврийн осолд өртөх нь буурахгүй байна.
ЗАМЫН ЦАГДААГИЙН ГАЗАР
