"Face of Beauty International" олон улсын гоо бүсгүйн тэмцээн нь 2012 онд анх зохион байгуулагдсан бөгөөд дөрвөн жилийн хугацаанд олон улсын тавцанд өндөр нэр хүндийг олж, цар хүрээ нь өргөжин тэлсээр хүн төрөлхтний эв нэгдэл, сайн сайхны бэлгэ тэмдгийн нэг болж чаджээ. 2013 оноос Монголын гоо бүсгүйчүүд оролцож эхэлсэн энэхүү олон улсын арга хэмжээний 4 дэх удаагийн тэмцээн Улаанбаатар хотноо зохион байгуулагдах гэж байна.
2016 оны тэмцээний уриа "SAVE THE MAZAALAI" бөгөөд дэлхийн миссүүд нэн ховордоод буй МАЗААЛАЙ баавгайг авран хамгаалах үйлсэд дуу хоолойгоо нэгтгэн, олон нийтийн анхаарлыг татахаар төлөвлөөд байгаа ажээ.
9-р сарын 26-наас 10-р сарын 9-ний хооронд зохиогдох тэмцээний хүрээнд 60 гаруй улсын гоо бүсгүйчүүд Монгол улсын түүх, соёл урлаг, ёс заншилтай танилцахын зэрэгцээ үсрэнгүй хөгжиж буй нийслэл Улаанбаатар хотын бүтээн байгуулалт, үзвэр үйлчилгээний газруудаар зочилно. Хаалтын ёслолын ажиллагаа 10-р сарын 8-ны бямба гарагийн 19:00 цагт Буянт-Ухаа цогцолборт болох ба энэ үдэш тэргүүн титмийн эзнээ тодруулна. Дашрамд дуулгахад "АМЬД БАРБИ" хэмээн дэлхий дахинаа танигдсан Украины дуучин, загвар өмсөгч Валерия Лукьянова шүүгчээр уригдан ажиллах юм байна.
Эх орондоо дэлхийн 60 орны гоо бүсгүйчүүдтэй өрсөлдөх ҮНДЭСНИЙ ЯЛАГЧ-аар Энхтайвны Урангоо сонгогдсон байна.
.jpg)
Тасалбарыг TICKET.mn ,1900-1800 утсаар захиалах боломжтой.
А.САЯН
