Өдөр бүр сургуулийн болон сургуулийн өмнөх насны хүүхдүүд зам тээврийн ослын золиос болж байна. Өчигдөр л гэхэд сургуулийн насны 5 хүүхэд зам тээврийн осолд өртсөн байна. Эцэг эхчүүд хүүхдээ хараа хяналтгүй замын хөдөлгөөнд оролцуулж, дээрээс нь жолооч нар согтуугаар тээврийн хэрэгсэл жолоодож байгаа нь зам тээврийн ослын эрсдэл алхам тутамд байгааг харуулж байна.
Өчигдөр Замын цагдаагийн газрын Согтуугаар тээврийн хэрэгсэл жолоодсон 50 жолоочийг илрүүлж гарч болзошгүй осол хэргээс урьдчилан сэргийлж ажилласан байна. Жолооч нар бага насны хүүхдийг дайрч гэмтээчихээд түргэн тусламж дуудаж анхны тусламж үзүүлэхгүй хэргийн газрыг орхин зугтах байдал ч гарч байна.
Жишээбэл : Өчигдөр БГД-ийн нутаг Энэбишийн өргөн чөлөө, Гандангийн хойд явган хүний гарц дээр T.Prius маркийн улсын дугаар тодорхойгүй авто машины жолооч нь явган зорчигч 8 настай эрэгтэй Н-ийн хөл дээгүүр гарч, хэргийн газрыг орхин явсан байна. Энэ мэтээр алхам тутамд таны хүүхэд зам тээврийн ослын золиос болох эрсдэл өндөр байгаа тул хүүхдээ харгалзах хүнтэй хөдөлгөөнд оролцуулж байхыг сэрэмжлүүлж байна.
ЗАМЫН ЦАГДААГИЙН ГАЗАР
