“Ургацын баяр-2016” үзэсгэлэн худалдаа Сүхбаатарын талбайд үргэлжилж байна. Пүрэв гарагт нээлтээ хийсэн энэхүү үзэсгэлэн худалдаанд дүүргийн өрхийн тариалан эрхлэгчдээс гадна Дархан, Сэлэнгэ, Төв, Булган, Ховд, Увс, Өмнөговь аймгийн 60 гаруй иргэн, аж ахуйн нэгж оролцож байгаа юм. Үзэсгэлэн худалдаанд Өмнөговь аймгийн Булган сумын помидор 1 кг нь 5000, Ховдын тарвас 800, Амтат гуа 3000, төмс 1 кг нь 500, лууван 600, манжин, 800, сонгино 1500 төгрөгийн үнэтэй байгаа бол Шаамарын Зөгийн бал савлагаанаасаа шалтгаалан 10-20 мянган төгрөгөөр худалдаалагдаж байна. Үзэсгэлэн, худалдаа ирэх сарын 5-ний өдөр хүртэл үргэлжилнэ.
А.САЯН
