Өнгөрсөн амралтын өдрүүдэд Замын цагдаагийн газрын ЖШУХ дээр нийт 632 дуудлага, мэдээ мэдээлэл хүлээн авснаас, зам тээврийн ослын 458 дуудлага бүртгэгдсэн байна.
Үүнээс гэмт хэргийн шинжтэй гомдол мэдээлэл 23 бүртгэгдэж 36 хүн хүнд хөнгөн гэмтжээ. Согтууруулах ундааны зүйл хэрэглэсэн 8 жолооч зам тээврийн осолд холбогдсон байна. Зам тээврийн осолд сургуулийн өмнөх насны 2, сургуулийн насны 7 хүүхэд өртсөн байна.
Бага насны хүүхдүүд зам тээврийн осослд өртөж байгаа явдал амралтын өдрүүдэд ч буурахгүй байгаа нь эндээс харагдаж байна. Замын цагдаа нар согтуугаар тээврийн хэрэгсэл жолоодсон нийт 91 жолоочийг илрүүлж гарч болзошгүй осол хэргээс урьдчилан сэргийлж ажилласан байна. .
ЗАМЫН ЦАГДААГИЙН ГАЗАР
