Өчигдөр БЗД-ийн нутаг Дүнжингарав хорооллын урд замд хар өнгийн T.Highlander гэх автомашины жолооч нь T.Prius маркийн автомашинтай мөргөлдөж, зорчигч Г нарын 2 хүнийг гэмтээн ослын газрыг орхин явсан байна.
Жолооч нар осол гарган ослын газрыг орхин явснаас болж гэмтэл авсан иргэн түргэн тусламж авах хугацаа алдаж улмаар нас барах ч эрсдэл тулгардаг. Энэ нь эргээд осол гаргаж хэргийн газраа орхин зугтсан жолоочид хүлээлгэх хариуцлага нь нэмэгдэх үндэслэл болно. Жолооч нар зам тээврийн осол аваар гаргасан бол бэртсэн хэн нэгэнд анхны тусламж үзүүлэх үүрэгтэй гэдгээ ухамсарлах ёстой.
ЗАМЫН ЦАГДААГИЙН ГАЗАР
