Хүүхдийн мөнгө энэ оны 7-9 дүгээр сарын хооронд олгогдохгүй тасалдсан. Тэгвэл хүүхдийн мөнгө хэзээнээс, ямар шалгууртайгаар, хэрхэн олгогдож эхлэх талаар Хөдөлмөр нийгмийн халамж үйлчилгээний ерөнхий газрын Нийгмийн халамжийн бодлогын хэрэгжилтийг зохицуулах газрын дарга Б.Мандхай хэвлэлийнхэнд мэдээлэл өглөө.
Тэрээр “УИХ-аас гарсан тогтоолын дагуу Засгийн газрын тогтоол, Хөдөлмөр нийгмийн хамгааллын сайдын босго тогтоох тушаал гарч 502, 567 гэсэн босго онооноос доош жагссан 660 хүүхэд буюу нийт хүүхдийн мөнгө авах хүүхдүүдийн 60% нь мөнгийг бэлнээр олгохоор болсон. Үлдсэн 40% болох 400 орчим хүүхдэд мөнгийг хадгаламж хэлбэрээр нь банканд байршуулж 2019-онд олгохоор зохицуулагдсан” гэсэн юм.
Иргэд амьжиргааны босго оноогоо мэдэхийн тулд амьдарч байгаа сум, хорооныхоо нийгмийн халамжийн мэргэжилтэнд хүсэлт гаргаснаар 502, 567 босго шугамын хаана эрэмблэгдсэнээ мэдэж болох юм байна. Иргэд босго оноог хүлээн зөвшөөрөхгүй байгаа талаар асуухад “2019-онд хүүхдийн мөнгө олгоно гэдэгт иргэд итгэхгүй байгаа учир ийм асуудал гараад байна. Хүмүүс өөрсдийгөө амьжиргааны түвшин доогуур гэж тодорхойлоод босго оноонд итгэхгүй байгаа” гэлээ.
А.ГАНТУЯА
